بلا منطق ...لأجلك .........خاطرة

Posted on الجمعة، أغسطس 07، 2009 by ريم وجيه


لا تحدثنى عن المشاعر ، فهى لا تخضع للمنطق !!
فإن أردت أن تتحدث عنها ، رجاء .. حررنى من المنطق
فكيف أدرك ماذا يعنى جنون الحب وقد قضيت عمرى ملتفة بعباءة بحث الأسباب والنتائج!!
وقبل أن تتحدث عن أحاسيس طالما فاضت بها عيناك ، علمنى أولا لغة عيون العشاق ...
سرت فى حياتى على نهج الفلاسفة والعلماء ، فكل شىء يخضع للتأمل والبحث .. مررت بألف قضية وأكثر .. قضايا زعزعتنى من جذورى ، وقضايا حطمت غرورى ، وكلها زادت من قوة المنطق !!
عرفت عشرات غيرك ...تباحثنا فى آلاف القضايا ..تقارعنا حجة بحجة ،
غلبونى وغلبتهم ، ولكن.....
لم يخبرنى غيرك أن لضحكاتى رنة تخترق الخلايا ..
ولا أن تموجات شعرى تنبأ عن عبث اتخذ فى نفسى خفايا!!
صدقا .. تحيرنى التفافة اصابعك حول كفى ، كم تشعرنى بالحماية!!
رويدا رويدا .. تترافق خطواتنا ..يحركنى فضولى ..وإحساسى بالأمان
أتوق لأرى العالم عبر عينيك ...وإن كنت لست أدرى كيف .. هلا علمتنى؟؟
لم أغمض من قبل عينى .. وأترك زمام أمرى لغيرى ...سأحاول معك ولكن عدنى ...ألا تتركنى أضيع من يديك فى تعرجات الطريق .. أو أزل بعثرة فتضيق بى وتهجرنى بمنتصف الرحلة!!
وإن جبنت لحظة ...كن أنت روح المغامرة التى تنطلق بى للسعادة ...فرح من نوع جديد تماما ..كفرحة طفلة بألوان الطيف السبعة فى سماء صافية ..بعد أن اعتادت الأجواء الرمادية القاتمة للضباب...
سيعتاد قلبى دفء ابتسامتك ..وحنان عينيك ...وسيرويان ظمأ مشاعر ملهوفة لبعض من حب ...وسيفيض منها لأجلك ...ليمحى آلام انتظارك ...وستتفجر لأجلك ينابيع دافئة لتغسل همومك فى حبى ...وستتلهف شفتاى لتعلن ..كم أحبك ....ياحبيبى .
تمت بحمد الله 6\8\2009

10 Responses to "بلا منطق ...لأجلك .........خاطرة":

mosho says:

كفرحة طفلة بألوان الطيف السبعة فى سماء صافية ..بعد أن اعتادت الأجواء الرمادية القاتمة للضباب...

جميل اوي التعبير ده يا ريم

وبجد الكلام كله جميل جداااا

ص:

reem says:

موشو
ربنا يخليك يارب
تعليقك وردك مفاجئة اكثر من رائعة بجد
ويارب اللى جاى يعجبك اكتر
ونورت المدونة بوجودك

ريم

The Confused says:

رايي انتي اكيد عارفاه يا ريم

اقدر اقولك اني برضو لازلت بتمنى اني اعرف اوصل للمستوى ده من الاحساس العالي والمرهف وجودة التعبييير دي
وبالتاكيد ف انتظار جديدك :-)

reem says:

عبد الله
ربنا يخليك ..ده بس من ذوقك
وموهبتك باذن الله هتوصلك للاحسن منى ...وربنا يوفقك يارب
ميرسيه بجد يا عبد الله ..نورت المدونة بوجودك ...وبردك الجميل
ريم

enjy says:

عرفت عشرات غيرك ...تباحثنا فى آلاف القضايا ..تقارعنا حجة بحجة ،
غلبونى وغلبتهم ، ولكن.....
لم يخبرنى غيرك أن لضحكاتى رنة تخترق الخلايا ..


المقطع دة يا ريم اكتر من رائع..انا قلتلك رأيي بس بجد انتى فعلا بتجيبى مشاعر بتكون جوايا فى اعمق حتة..احيانا مببقاش عارفة انها موجودة الا لما انتى بتاخدينى من ايدى كدة وتوريهالى فى كتاباتك..

على فكرة كتير قلتلك اننا شبه بعض بس بعد ما قريت الكلام اللى انتى كتبتيه هنا وفى السجال بجد انا متاكدة احنا ليه شبه بعض فى حاجات كتير..بس يجب ان اعترف انك ابرع منى بكتير فى التعبير..

ريم وجيه.......انا مبسوطة بيكى بجد..وبحبك فعلا

reem says:

انجى الجميلة
ربنا يخليكى يا جميل يارب ..ويارب اللى جاى يعجبك اكتر
بالنسبة لكونى ابرع فى التعبير ...فما اظنش ...بالعكس ...انتى ليكى تعبيرات رائعة بجد ...وبتوصلى افكارك صح جدا وفى مكانها!!
نورتى المدونة بردك ...ونورتى حياتى بصداقتك ووجودك يا انجى
وعلى فكرة ...انا بحبك اكتر (H)

ريم

غير معرف says:

جميله جدا يا ريم

غير معرف says:

جميله جدا يا ريم

رضا

reem says:

رضا
انتى الاجمل يا قمر
ويارب اللى جاى يعجبك اكتر

Rodi says:

ان شاء الله دايما اللي جاي يكون افضل يا ريم