تخريب اسكندرية ...مسئولية من؟!

Posted on الأربعاء، أكتوبر 14، 2009 by ريم وجيه

استقبل كثير من أهل اسكندرية المحافظ الجديد- السيد عادل لبيب- بالضيق وشىء من التوجس ، نظرا لعشقهم لسلفه محمد عبد السلام المحجوب - وهو عشق مبرر جدا ...فى نظرهم ونظرى على الاقل- وخاصة بعد ما اشيع عن ماحدث فى محافظة البحيرة من تخريب - تكسير اسفلت وارصفة وغيره- اثناء توليه السيد عادل لبيب أمر تلك المحافظة ....من بين أمور أخرى !!!



بداية توليه السلطة ظهرت جليا فى تكسير بلاط الارصفة ....وتركيب بلاط من نوع اخر ..- وللأسف نوع أردأ عمليا ...ناعم جدا وبالتالى الناس بتتزحلق عليه بسهولة جدا ...ثانيا لونه الابيض اتحول حاليا للون اسود شديد القذارة- ...وده طبعا غير ارتفاع الرصيف المهول - ونتيجته ان ناس كتير وخاصة كبار السن مش بيقدروا يطلعوا عليه- ...هذا عدا عن تغيير شركة إزالة القمامة !!



تتالت الوعود من المحافظ بتحسين الاوضاع فى الاسكندرية مما تم تكسيره ...وتحويله الى افضل كذلك ...وللاسف لا أرى أى تحسن ملحوظ فى أى جهة ...وإلى الآن !!!


تحفظت كثيرا قبل انتقاد الوضع ...خاصة بعد متابعتى لحلقة البيت بيتك التى استضيف فيها السيد المحافظ عادل لبيب من قبل خيرى رمضان ، والذى صورت الحياة من منظار وردى مشرق ، كدت أصدقه فعلا ...لولا اقامتى فى نفس المدينة التى يتحدث عنها!!!


فى مقال سابق كنت أشكو من تردى أحوال بعض المناطق وعدم الاهتمام بها مقارنة بأماكن أخرى فى الاسكندرية ...مثل منطقة سان استفانو - والتى بعد بناء مول سان استفانو بها اعتبرت قطعة من أوربا- وبعض الأماكن الراقية نسبيا.


أما الآن فإنى أشكو تردى أوضاع مدينة الاسكندرية بالكامل...وهو ما يتضح فى الصور المرفقة بالموضوع!!


بعدما جعلت الشركة الفرنسية - اونيكس- لكل مبنى جردل القمامة المخصص له ...وكانت تقوم بصفة دورية بتنظيفه وتطهيره ، غير مجهودها الملحوظ فى تنظيف الشوارع بشكل لائق وغسل الأرصفة والشوارع ، قامت الشركة الجديدة بتغيير الجرادل بجرادل أخرى متوسطة الحجم ..بمعدل جردلين تقريبا لكل منطقة سكنية معينة بشكل شبه عشوائى ...ويتم وضعهم فى مكان ما ...ليعود من جديد التكوم العشوائى للقمامة حول الجرادل وتجمع الذباب حوله مما يجعله بيئة مثالية للأمراض والأوبئة -وتعتبر وسيط ناقل لانفلونزا الخنازير ولغيره الكثير-



نوه سيادة المحافظ فى برنامج البيت بيتك عن كم التحديثات المخطط لها ، وكيفية تحسين حياة سكان عروس البحر الأبيض المتوسط ، مثل حفر الأنفاق وتحسينات الطرق ووسائل المواصلات وتركيب مترو أنفاق ...كل هذا رائع ، ولكن أين حظ الواقع من هذه الخطط الجميلة!!!
فمنذ تولى المحافظ الجديد منصبه ، ولم نر من تلك الخطط إلا تكسير الأرصفة وتركيب بلاط جديد مكان بلاط قديم – كلاهما سليم ، تختلف الوانهما فحسب ..بدلا من اللونين الطوبى والاصفر ...اصبح البلاط ابيض تحول مع الوقت الى اسود طينى- ، اما عن حالة الشوارع ، فقد تم حفرها ليتم توصيل الغاز للمنازل – وقد تم توصيله بالفعل منذ فترة طويلة جدا – ومع ذلك لم يتم اصلاح اماكن حفر الغاز حتى الآن فى بعض مناطق الاسكندرية ، بغض النظر عن تكسير الاسفلت – والتى ظن البعض تمهيدا لاعادة السفلتة من جديد وقد اتضح ان مثل هذا الظن انما هو اثم مبين!!!
فقد تم تكسير الاسفلت منذ فترة طويلة نسبيا ، ولم يتم حتى الان اضافة طبقة الاسفلت الجديدة!!!
اما عن القمامة فحدث ولا حرج ، بعد ان كانت عاصمة الجمال ، اصبحت اسكندرية ترقد تحت اكوام من القمامة ...حتى كل الصور البشعة القادمة ...مجرد امثلة بسيطة جدا لكم الاهمال فى إزالة القمامة من الشوارع ، حتى بجوار المدارس وعلى محطات الترام!!


الصور القادمة مجرد أمثلة لحالة إسكندرية فى الوقت الحالى ...أمثلة مبسطة جدا لمن لم يراها !!


اما بالنسبة لسكانها - وانا منهم- فلهم العزاء .


الصور ملتقطة لأماكن مختلفة ، لكن هناك أماكن أخرى القمامة تحتل فيها المكان ، يعرفها جيدا ركاب الترام فى منطقة شدس ، ورشدى ومصطفى كامل .


اما بالنسبة لغير راكبى الترام ، فهو يعرفها جيدا فى طريق جمال عبد الناصر ، ويرى تجمعات القمامة فى مختلف الاماكن كمداخل بعض الشوارع ، فى العصافرة ، فى محطة مصر ، وغيرها!!


سيادة المحافظ ...سمعنا الكثير من الخطط الوردية ، ودفننا فى واقع أسود صنعته يداك ...تحت مسمى الحلم الوردى .


لذا رجاء ...اهبط قليلا إلى واقعنا ....واصلح ماتم افساده ....فيكفينا من مرارة الواقع مافيه ...دون إضافة أكوام من القمامة إليه.


والآن سأترككم مع بعض من مشاهد الواقع الناتجة عن بعض الخطط الوردية !!!







حالةلرصيف الاخر من نفس الشارع ....ومن الملاحظ وجود



الرمل والتراب المتراكم جراء التكسيرات ...وبالتالى صعوبة الصعود



الى الرصيف نفسه !!



نفس الشارع ....والتكسير التام به ...حيث تم ازالة طبقة من الاسفلت



من فترة ...هذا غير التكسير الواضح فيه منذ التصليحات المفترضة!!





جناكليس ...وحالة الرصيف ...مليان حجارة وطوب ...ومن المفترض انه للمارة!!




جناكليس ...شارع عمر المختار ...وحالة الشارع المقززة!!!




جناكليس ...ِشارع عمر المختار من زاوية اخرى



ومن المفترض انهم من المكلفين بجمع القمامة !!!



ومع ذلك ...لا يوجد تغيير يذكر فى هذا الشكل طبقا لآخر مرة مررت



فى هذا المكان!!!






جناكليس ...ِشارع عمر المختار




ثروت ..شارع عبد الحميد الديب ..من زاوية أخرى




ثروت ...ِشارع عبد الحميد الديب


الابراهيمية شارع بورسعيد ....من زاوية اخرى


الابراهيمية ....ِشارع بورسعيد !!!



كليوباترا الصغرى ...امام شارع محمود الطرينى



والصورة من رصيف الترام المقابل!



كليوباترا الصغرى ...امام شارع محمود الطرينى



والكارثة الحقيقية انه بعد ذهاب عربة جمع القمامة مباشرة!!!!




فى ثروت ..امام المدرسة ..من زاوية اخرى!!!



فى ثروت امام مدرسة محمود زكى سالم الثانوية بنات



فى شارع متفرع من ذو الفقار ...بجوار معهد تعليمى



على طريق الحرية ...امام شارع ذو الفقار بجناكليس


فى ثروت ..بجوار مدرسة محمود زكى سالم الثانوية بنات

19 Responses to "تخريب اسكندرية ...مسئولية من؟!":

عاشقه الرومانسيه says:

تحسى ان الراجل ده حد كدب عليه وقاله ان فى كنز فى شوارع اسكندريه
وجاى يكسر فيها
عبد السلام المحجوب ربنا يكرمه ويجعل اعماله فى تزيين اسكندريه فى ميزان حسناته
الناس كلها حزنت جدا عليه لما سابنا
واستحق بجداره لقب المحبوب


حسبى الله ونعم الوكيل

reem says:

عاشقة الرومانسية
اهلا يا قمر ...ازيك؟
بالنسبة للمحجوب ...فأقل ما يقال عنه أنه رجل قدر المسئولية ..وانسان محترم بيراعى ربنا فى شغله ...ربنا يكرمه يارب
بالنسبة بقه للمحافظ الحالى ...فده محتاج مننا وقفة ..لان بجد كده حرام ..اسكندرية دلوقتى بترقد تحت الزبالة !!
يعنى مش كفايةا لتكسير ...لا وكمان زبالة !!
لو هو مش قد تصليحها يسيبها ...ويجيبوا اللى قدها ..لكن المهزلة دى ماتنفعش!!!
ميرسيه يا قمر على ردك ...ربنا يخليكى
وربنا يقدرنا وكلامنا ده يعمل حاجة ويكون له أثر

همس الاحباب says:

احمدى ربنا ان عندكم محافظ بيكسر
وعنده النية انه يغير حاجة
وبيغير من عبدالسلام المحجوب
احنا عندنا محافظ جعل الجيزة مدينة القمامة العالمية بدل ارض الاهرامات
جعلها اهرام من القمامة
ربنا يستر على مصر كلها
تحياتى

enjy says:

برافو يا ريم

بجد برافو عليكى...انا فخورة بيكى جدا

reem says:

همس الأحباب
الحمد لله الذى لا يحمد على مكروه سواه !!
عبد السلام المحجوب جعل من اسكندرية مدينة فى منتهى الرقى ...كنا بنمشى فى الشارع بنشم ريحة البحر ...مهما كان بعيد ...او ريحة اشجار الورد ...دلوقتى بنمشى نشم ريحة الزبالة...وبدل شجر الورد ..بقه عندنا اطنان زبالة!!
وبالتالى ..لو ماقدرش انه يطور اللى عمله المحجوب ويخلى المدينة أرقى ..على الأقل يحافظ على نظافتها ...اللى هى مش مطلب رفاهى او ثانوى ..ده مطلب اساسى وضرورى!!
وفعلا ربنا يستر على مصر كلها ...بس احنا ماينفعش نسكت ..لازم نحاول بكل جهدنا اننا نغير التصرفات دى
متشكرة جدا لتعليق حضرتك ..وبجد نورت المدونة

reem says:

نوجا
الله يخليكى يارب
فخورة بيا مرة واحدة!!! - وش مكسوف مع شوية ازبهلال-
يارب اكون دايما عند حسن ظنك يا قمر
ويارب اللى جاى يعجبك اكتر

غير معرف says:

تحقيق جامد جدا يا ريم
بجد اسكندريه بااااااااااااظت
وفين؟؟
الشوارع اللي تعتبر معالم اسكندريه
وامتي؟؟
والعالم مليان امراض واوبئه
ربنا يستر علي عقولنا م التخلف
وعلي بلدنا م الزباله
Reda

reem says:

رودى
منورة يا قمر
ربنا يخليكى يارب ..ويارب المقال يعمل حاجة يارب
وفعلا اسكندرية باظت جدا
ربنا يستر يارب

سمو الأميرة سارة says:

:(( حرام بجد انا كنت بحسد الاسكندرانية على جمال ونظافة اسكندرية

تحسي ان المحافظين عقلهم بليد مابيعرفش يفكر في جديد
كل الجديد اللي عنده يبلط شوارع ويرصفها وحاجات من دي حتى لو كانت الحاجات دي موجودة بالفعل بيهد القديم ويعمله من تاني ماهو اصله هيعمل ايه ماهو عقله فقير افكار وتطوير

ربنا ينتقم منهم

reem says:

سمو الاميرة سارة
اولا نورتى المدونة يا قمر
اسكندرية لسه روحها جميلة يا سارة !
بس يصعب عليا بعد ماكانت عاصمة الحب والجمال بجد ...ترجع كم مهمل من تانى!!ده يبقى ظلم وافترا!
بالنسبة لكون المحافظين عقلهم بليد ...انا ما اقدرش اجملهم كلهم ...لأن المحجوب كان محافظ برده ومع ذلك طور بلدنا بشكل حلو اوىىى
بس المشكلة ان مافيش رقابة حقيقية وعقاب للمحافظ الفاشل ...فطالما مافيش حدود صارمة تعاقبهم على التخريب والمهازل اللى بتحصل ..او على التقصير فى شغلهم !!
مع انى واثقة ان فى فى القانون ...بس ما اعتقدش انها مش شايعة بينا كمواطنين واصحاب حقوق!
نورتينى يا قمر

Watcher Attentively says:

عادل لبيب. الراجل دا أنا مبقوق منه بشكل. كل يوم و أنا رايح وراجع من الشغل أشوف الزبالة مالية الشارع و أترحم على أيام المحجوب.
ريم أحييك على مدونتك الجميلة و طريقتك المحترمة لعرض أفكارك. بعد اذنك هحط لينك لمدونتك على الfan page بتاعتى عن اسكندرية
http://www.facebook.com/friends/?filter=afp#/note.php?note_id=124031753548

http://www.facebook.com/friends/?filter=afp#/album.php?aid=138291&id=100856041018

reem says:

watcherاهلا بيك فى المدونة اولا
ومتشكرة جدا على رأيك فى البوست ...ربنا يخليك يارب
بالنسبة لعادل لبيب ...فكن واثق انك مش لوحدك اللى مبقوق منه ...تلات اربع الاسكندرانيين على الاقل كده..وكل اللى بيحبوا اسكندرية كده!!
ويسعدنى انك تحط لينك البوست على fan page طبعا

Watcher Attentively says:

ريم شكرا لذوقك الصفحة بتاعتى اسمها
Alexandria as seen by an alexandrian لو عملتى عليها سيرش على الجوجل هتلاقيها

reem says:

العفو على ايه
انا اللى متشكرة جدا لذوقك
وانا شفت الصفحة واشتركت فيها فعلا (:
حتى بالامارة مكتوب فيها بالفرنساوى!!!
شرفت المدونة بتعليقك

Watcher Attentively says:

ريم نورتى صفحتى المتواضعة. شكرا لاشتراكك

أحمد شريف says:

السلام عليكم
الحقيقة أنا من محبي عادل لبيب لأني عاصرت ورأيت تجربته في قنا
هو رجل قوي ومنهجه أن يريد أن يبني بنية تحتية في الأساس .. عكس المحجوب فهو كان يهمه البنية الأساسية حتى لو كانت مبنية على بنية تحتية متهالكة وغير صالحة وقد تأتي بعد سنوات قليلة لتسبب كوارث .. لذلك حينما دخل لقنا جعلها قطعة من الجنة بعد عدة سنوات وأصبح لقنا بنية تحتية وأساسية ممتازة على السواء ، وحصلت قنا في وقت من الأوقات أظن كان عام 2003 أو 2002 على المدينة البيئية الأولى في العالم

===========

لذلك فالرجل مهتم بترميم وإعادة إنشاء البنية التحتية بصورة ترفع من عمرها ل 30 : 40 عام
ومن ثم تكون البنية الأساسية
لذلك فأظن أنه ليس هناك مانع من أن نتحمل لفترة مقابل أن يكون التأسيس على أساس محترم

لكن كذلك قد يكون له أخطاء وأود أن أعرف ما الجديد وما هو الحال الآن ؟

غير معرف says:

هل ممكن ابدى إعجابي الشديييييييييد بمقالك عن محافظ الإسكندرية
ما شاء الله عليك فعلا

Reem Wageeh says:

احمد الشريف
بالنسبة للوضع فى اسكندرية أسوأ مما كان
الشوارع متكسرة ...والارصفة ومحطات الترام تحولت لمزبلة!!
والوضع بقا من سىء لأسوأ للأسف
وبالنسبة للبنية التحتية ..اعتقد المفروض ده يحسسنا بعد فترة بتحسن الاوضاع والخدمات ..وده محصلش ..بالعكس!!!!

Reem Wageeh says:

غير معرف
الله يخليك شاكرة ليك جدا وجودك وتعليقك
ويارب دايما اللى جاى يعجبك اكتر