عازفة الكمان ...خاطرة

Posted on الخميس، نوفمبر 19، 2009 by ريم وجيه


أضمك ، لترتاح بجوار نبضى ، وليدفأ خشبك المعطر ببقايا عطرى ،أغمض عينى و أدّعى انه لا وجود لغيرك فى محيطى ، اتماهى فى وجودك ، لأشعر بالأمان .
تخيفنى الاجواء الغريبة ، واطمئن فقط بوجودك قربى...
قد يؤذوننى ،وأعلم أنك لا تقدر على دفع الاذى ، إلا أنك دومًا هنا ، جوارى ، أبثك ألمى وحزنى ، أقسو على أوتارك الرقيقة ، لتنتحب بدلا منى ..
أكتم شكواى فى قلبى ، لتستشعرها فى دقاته ، وتلمسها فى أناملى ، وتصدح أناتك عبر الأثير، بلا كلمات
تتحمس الجماهير ...ويلهبون أكفهم تصفيقا منبهرا...ينعتوننى بالإبداع ، وينسون أنهم اصل الإبداع ، فمنهم تألمت وآلمتك ، وبآلامنا استمتعوا .
أخفضك وأحنى جبهتى لهم ، ألا يستحقون برأيك ؟؟؟؟؟؟
تحية صامتة لتقديرهم ، قلما وجد من يصغى لأنين بشرى ، فافخر كمانى العزيز ، كون أنينك وترى .
أعترف لك يا رفيق دربى ...أننى استخدمك لأصل إليهم ، بغيرك لا يفهموننى ...لا يسمعوننى ...ولا أدرى غيرك وسيلة ، سامحنى جرمى فيك هو جرمهم معى...أتخذك جسرا لأسر اهتمامهم ..ويتخذونى جسرا لحالة يتمنونها ...
و أظل أعزف ، ومع رجفة كل وتر ستتحرر النغمات ، لتسجننى... تغلفنى كما الدمى بالشمع ...تكسبنى جاذبية البعيد القريب ، فكما تتلظى النجوم بنيرانها ، ولا يبدو لنا منها إلا ضوء ينير دروب العشاق
..أحترق أنا ولا يبدو منى إلا نغمات الكمان .

تمت بحمد الله

14 Responses to "عازفة الكمان ...خاطرة":

adel says:

حلوة قوي الخاطرة

فكرة من الاخر يعني

و ده اللي بيعجبني

--------
ردي سخيف ... وناقص
بس مش قادر ااقول غير كده حالا
لاني نفسيا في الارض بسبب الغجر

حنان الشافعي says:

جميله قوي يا ريم

ناعمه وهاديه زي الكمان جواها نغمات كتير بس كلها صادقه

علي فكره عازفةالكمان دي تبعي ؛)
عجبتني دي قوووووي جرمي فيك هو جرمهم معي

The Confused says:

جميله جدا يا ريم


عجبني فيها بساطة التشبيه وقوة الاحساس وفكرة الخاطره عجبتني جدا :)

reem says:

عادل
الحمد لله انها عجبتك :(
------
لا سخيف ولا حاجة
معلش بقه ...ماهو اللى يرضى بالذل جوه ...طبيعى يتدفن حى بره!!

reem says:

حنان
ربنا يخليكى يارب
ماهو قلت بدل ما بارمى دبش على طول
المرة دى اخليها اهدى شوية من باب التغيير :((
بس انا واثقة ان كمانك احلى يا قمر - وش بيغمز -
ويارب الجاى يعجبك اكتر

reem says:

عبد الله
ربنا يخليك يارب
ويارب الجاى يعجبك اكتر باذن الله
ومستنية جديدك على فكرة - وش بيستعبط-

شفـقــة و إحســــان says:

حلوة جدا جدا وكلماتك هادية ورقيقة فيها صوت الكمان
كل سنة وانتى طيبة

reem says:

شفقة واحسان
متشكرة جدا ...ربنا يخليكوا يارب
ويارب البوست اللى جاى يعجبكم اكتر يارب
وكل سنة وانتوا بالف خير وفرحانين وسعدا

romansy says:

كل عام والمسلمين فى مصر والعالم الاسلامى بكل خير ومحبة وسلام لكل الانام

عيد اضحى سعيد

اعاده الله على الجميع بالامن والاستقرار

والسرور والتسامح

ابو على says:

كل سنه وانتى طيبه

shicooo says:

اعجبتنى البساطة وصدق الأحساس اكثر من اى شئ


لكن اجد بعض المبالغة دائما فى الخواطر ولا ادرى ان كان هذا حقيقى ام مجرد احساس خاص

وكل سنة وانت طيبة
اتمسى بالخير

reem says:

السلام عليكم ورحمة الله وبركاته
رومانسى
وانت بالف خير وصحة وسلامة
وباعتذر بشدة على التاخير

reem says:

ابو على
وانت بالف خير
واسفة على التاخير ..معلش بجد

reem says:

شيكو
منور المدونة يا شريف اولا
ثانيا باعتذر لك بجد عن التأخير
بالنسبة للخاطرة ...متشكرة جدا لاعجابك ..
بالنسبة للمبالغة ...فاعتقد انك عندك حق ...بس ليا وجهة نظر فى الموضوع ...ان الفكرة بتعتمد على المشاعر ...والمشاعر عند البنات بالذات بتكون مرهفة زيادة ...خاصة مع حالة زى حالة بطلة الخاطرة ...اللى بتعانى من حالة وحدة وعطش لصحبة الاخر فى حياتها
متشكرة جدا لرأيك وباعتذر مرة تانية عن التاخير :(