شوية فضفضة

Posted on الاثنين، يناير 11، 2010 by ريم وجيه


اولا ...ياريت بجد تسامحونى على الغياب الطوييييييل اللى فات ده ...بس بصراحة كنت مستنية ارجع لكم بخبر حلو ...او يكون الضغط اللى حاساه اقل شوية!!!
بس من الواضح ان بقه الطبيعى بتاعى كده ...بس بما انكم وحشتونى ... ف هيطلع على دماغكم بقه ...امركم لله!!
احداث كتيرة اوى حصلت فى الفترة اللى فاتت ...90% منها زى الزفت بصراحة ..بس عارفين ...ال 10% الباقيين ...بيوضحوا قد ايه رحمة ربنا واسعة ..وقد ايه ربنا كبير وعظيم ..
خسرت ناس ...وناس خسرونى ...وناس نزلوا من عينى لدرجة دنيئة ...وناس حاولت تقربلى وفشلت ...وناس حاولت اقرب منهم وفشلت ...فشلت حتى انى استقبل اهتمامهم !!
واوقات كتير بتمر باحس انى اتنين ...وساعات اكتر ...واحدة من برة ...الانسانة العادية اللى متبرمجة على استقبال الناس ...وواحدة من جوه ...بتصرخ ساعات ..وبترقص ساعات ...وخايفة على طول!!!
فى اليوم الواحد ...مشاعرى بتوصل لاعلى نقطة من الانفعال ...وبتنزل لمرحلة بلادة الاحساس ...لحد ما اعصابى بقت مرهقة 24 /7 ...محتاجة شوية بنج عاطفى ...على الاقل لحد ما امتحانات الترم تخلص ...يارب يعديها على خير يارب
وبما انى خلاص هنجت ...وعايزة انام جدا - شكل الادوية والمضاد الحيوى بدأوا يجيبوا نتيجة-
هاسيبكم مع صورة ..وإليكم سؤال الحلقة بتاعت النهاردة :
هتعمل ايه لو شفت لوحة زى دى على ارض الواقع ...بغض النظر عن كون اللوحة دى متأخدة من ارض الواقع فعلا يعنى!!
\ وممنوع الشتايم والتعليقات اللى مش ولابد على فكرة!!
ياللا ...أشوفكم فى بوست احلى من ده
سلام ياللى واحشنىىى

7 Responses to "شوية فضفضة":

adel says:

الشطافة المحمولة :)
خدمة جديدة من (حمام الهنا)
اشتري شطافة و خد معاها مجلة ميكي هدية عشان تقرأ براحتك :):):)

هههههههههههههههههه

muhammd fattouh says:

امال بتعملوها فييييييييييييييييييييين يا كفار

reem says:

عادل
ههههههههههههههههههههههههههههههههههههههههههههههههههههههههههههههههههههههههههههههه

منور يا ابيه!!
والتعليق فى الجوووووون!!

reem says:

محمد فتوح
بيصرف نفسهم فى اى درج!!!
بس بلاش حكاية يا كفار دى...شديدة شوية ع الموقف!!
نورتنى يا فندم

Timo.. says:

ههههههههه..
لذيذة قوي مدونتك على فكرة..

Timo.. says:

اما بالنوسبة للصورة..
فا عجبني قوي موضوع (بعد التصليح..الحمام متراقب)
يعني مش ها يبقى بيت راحة..ها يفقد اهم عنصر فيه (';')

reem says:

تيمو
اهلا بيك فى المدونة
ربنا يخليك يارب
ده من ذوقك اكيد
بالنسبة لحكاية المراقبة دى ...فما تقلقش!!
ماكنتش تعتبر بيوت راحة من اصله...بس اللى عايزة اعرفه ...هيحطوا ازاى كاميرات مراقبة فى حمام...وحمام بنات!!!!
نورت المدونة اكيد