رجاء شخصى ...وهدية لماما فاتيما

Posted on الأحد، يناير 31، 2010 by ريم وجيه

مبرووووووووووك لمصررررررررررر
ويارب دايما الفوز والتقدم فى كل حاجة
ياللا اهو حاجة من نفسنا
وى وى وى
هيييييييييييييييييييييييه
مبرووووووووووووووووووووك


اول حاجة ليا رجاء شخصى منكم ...
صاحبة مدونة رياح الحنين ..صديقتى العزيزة حنان ...والدتها مريضة جدا ...دعواتكم لها بالشفاء التام ...
كمان صديقتى العزيزة ياسمين - بره النت خالص- والدتها مريضة ..وباسالكم لها الدعاء

نوجا - مش هاقول صديقتى ...لانها جنب علاقتنا بقت كلمة غريبة اصلا - متعبة بشدة ..دعواتكم لها بتجاوز المرحلة ...لأنها حقا مرحلة قاسية جدا !!

بالنسبة لى انا بقه ..محتاجة دعواتكم جدا فى الامتحانات ...وفى كام حاجة تانية
...وربنا يفرحنا جميعا
دلوقتى جه ميعاد الهدية ولو انها متأخرة!!
من فترة وانا بافكر اجمع صور البحر وابعتها لماما فاتيما ...عشان هى بتحبها
بس كل الصور اللى جمعتها مجهولة المصير فى الوقت الحالى ..وبالتالى
صورت صور جديدة ...مش متنوعة ولا كتيرة زى الاول ...بس يارب تفرحها
ويارب تفرحكم وتعجبكم انتوا كمان ...واهو سمعت نصيحة عادل فى التصوير


وادى الصور اهى










وسؤال الحلقة المرة دى بيقول ....
ايه رأيكم البوست الجاى ...احط خاطرة قديمة اوى ماحدش شافها - اهو شوية تعذيب كده-؟
نظرا لانى بعد ما الهارد باظ ...ولسه لحد دلوقتى ما اعرفش مصير الداتا بتاعتى كلها اللى عليه ...بقه عندى حالة احباط مخليانى مش عايزة اكتب حاجة جديدة!!!
ولا تحبوا ايييييييييه ؟؟
ياللا ....البوست الجاى على ذوقكم اهو ...
بذمتكم ...فى حد مدلعكم زيى بس!!!


13 Responses to "رجاء شخصى ...وهدية لماما فاتيما":

غير معرف says:

الصور جميله قوي
بس كنت عايزه اكتر

بالنسبه لسؤال المسابقه يبقي ملوخيه بعسل النحل من فضلك ههههههههههههههه
كل اللي يجي منك عسل

reem says:

الله يخليكى يا قمر يارب
معلش بقه ...ربنا يسهل والهارد الصور والداتا بتاعتى ترجع سليمة ...وهتلاقى صوركتير جميلة ...باذن الله تعجبك
وربنا يخليكى يا سكرتى يا رب
ده بس عشان انتى عيونك عسل

adel says:

الصور المرة دي هايلة قوي بجد :):)

ونزلي اي بوست
هاقراه برضه :):)

reem says:

عادل
والله انت دايما رافع معنوياتى بجد!!
وعاجبانى اوى النزعة الانتحارية دى!!!
بس ان شاء الله بعد الامتحان الاخرانى ده هو اللى هانزل البوست بقه!!
يعنى على الاقل اكون خلصت ..والدعاوى ماتخبطش فى المادة ولا حاجة
ميرسيه يا عادل بجد لمتابعتك واهتمامك
ولرأيك اللى بيرفع معدنياتى (:

حنان الشافعي says:

ميرسي ليكي ياريم يا قمر يا حبيبة قلب حنون من جوه كده ياااااارب يشفيلي ماما يااااااااارب ومش هنسي وقفتك جمبي انتي ونوجا ابدا ابدا متعرفيش قد ايه تليفوناتك بتفرق معايا وديما بتيجي في وقت ببقي علي اخري اه والله يابنتي ماهو اصل الواحد كده بيحتاج الناس اللي بيحبهم يقفوا جمبوا في شدته امال هيقفوا امتي جمبه بس حتي لو هو زباله ومزعلهم ومقصر معاهم
بحببببببببببببببك موووووووت
ويااااااااااااااارب يعديلك امتحناتك علي خير (احنا وانتي) ويعدي لنوجا اللي هي فيه والصور تحففففففففه بجد ابقي فكريني اوريكي صور تانيه هتجننك بقي D:

reem says:

حنااااااان
منورة المدونة يا قمراية
وعيب يا بنتى تقولى كده ..دى اقل حاجة اصلا ..بس لولا ان الواحد متمرمط اساسا اليومين دول كان عرف يقف جنبك بجد ...لانى بجد مقصرة معاكى جدا ...بس انا واثقة ان ربنا هيكرمك وهيقوم طنط بالف سلامة وترجع تملا البيت فرح وسعادة باذن الله
وانا كمان بحبك موووووووت
وان شاء الله ربنا هيكرمنا جميعا فى الامتحانات وفى غير الامتحانات
وان شاء الله نوجا هتبقى زى الفل ..
ومستنية يا قمر الصور ...واهو اشوفك لانك واحشانى موووووت
فى حفظ الله يا سكرتى

موناليزا says:

اللهم فك كرب المكروبين وفرج هم المهمومين واشفى مرضى المسلمين اللهم امين
ربنا معاكِ فى امتحاناتك
والصور بجد جميلة
وحاسة بحالة الاحباط اللى عندك عشان الهارد انا كمان الهارد بتاعى باظ عااااا
دعواتك ليا بقى انه يتصلح:)

Reem Wageeh says:

موناليزا
ربنا يخليكى يا قمر يارب ويستجيب لدعواتك كلها يارب
ويارب الهارد بتاعك يتصلح وتلاقى كل الداتا اللى عليه
ونورتينى يا قمراية

enjy says:

اوختشى اوختشى

متجيبى بوسة

حلوة الصور بغض النظر عن انى شفتها قبل كدة نيااااااااهاهااااااا

بس حلوة طبعا

ترجعى بالسلامة

بالنوسبة للبوست الجاى..اشطة خليها هيد اند شولدرز اتنين فى واحد يعنى

Reem Wageeh says:

نوجااااااااا
خدى بوستين يا قمر
ميرسيه يا قمر انتى احلى
بالنوسبة للبوست الجاى
مش عارفة بقه يا نوجا
انتى شايفة اللى الواحد فيه يا قمر
بس تحبى يبقى ضد القشرة ...ولا مضاد للتشابك :P:P

Timo.. says:

..

Timo.. says:

ريم..اخبارك ايه..؟؟
على فكرة ياريت تفهميني ايه اللي حصل للهارد بتاعك بالضبط عشان ممكن اساعدك وكمان يا ريت ما تعمليش فيه اي حاجة عشان ما تضيعيش اي امل في ان الداتا بتاعتك ترجع..
ياريت تحاولي تردي باسرع وقت لاني باتعرض للمشاكل دي ديما.

Reem Wageeh says:

تيمو
ازيك ؟؟
انا الحمد لله ..مازلت مسجلة فى قيد الاحياء اهو
والله انا شخصيا مش فاهمة ايه اللى حصل للهارد
وربنا يصبرك على كده...ده انا اعصابى اتدمرت من مرة واحدة!
بس متشكرة ليك جدا بجد
عموما ..تقدر تقول انى اصتعوضت ربنا فى الداتا اللى كنت عايزاها
وواحدة صاحبتى جابت لى حاجات كتير فعلا
الحمد لله على كل شىء
ومتشكرة جدا ليك بجد يا تيمو ولاهتمامك
ربنا يخليك بجد