فيلم قديم

Posted on السبت، أبريل 24، 2010 by ريم وجيه


شايفين الشاب الوسيم اللى فى الصورة؟؟

شفته النهاردة فى فيلم قديم وقال جملة شدتنى اوى اوى!

الجملة بتقول ان القصة واقعية ...بس غير مكتملة للاخر !!

وان البشر بارعين جدا فى ترك قصصهم غير مكتملة ..بنهايات مفتوحة

ومن غير مبررات او حبكات مقنعة - دى من عندى- 

بس مش عارفة ليه الفيلم ده - على الرغم من انى ماكملتهوش - 

حسسنى انى كنت هارتاح اوى فى الزمن اللى اتعمل فيه!!!

بغض النظر عن كونى من عشاق الاستعراضات - المميز منها بالأخص-

بس جو الفيلم ...على الرغم من انه مليان حركة   وغنا ورقص وشغل

بس مع ذلك مافيهوش واحد فى المليون من شحنات التوتر بتاعت اجيالنا دى!

حتى الحزن اللى فيه ...حزن شفاف رقيق ...ناعم ..حزن مغرى أوى بتقمصه!

مش زى حزن  جيلنا ده ..اللى مليان مرارة وألم واللى يخلى الواحد كاره نفسه مليون مرة!

بشكل او بآخر ....كان نفسى أكون فيلم قديم 









8 Responses to "فيلم قديم":

غير معرف says:

كل اللي في دماغي دلوقت امتحان بكره ودواير التفكير .. عماله افكر بشكل غبي
لو حاولت اكتب الافكار اللي بتيجي في دماغي والكلمات ح احتاج عشره جنبي يكتبوا واتنين يترجموا افكاري لصوت لاني بادور في دايره مفرغه عماله الف الف لما خلاص مش شايفه ومش عارفه اميز لا اركز
بس بابا بيقول ان ذكاء الانسان محسوب من رزقه وانا بافكر كتير تفتكري انا كده ذكيه؟ طب ليه رزقي علي قده؟ وشبه منعدم


قلتلك ميت مره عايزه اقرا عمل جديد مش اي بوست وخلاص

رضا

العيسوى الصغير says:
أزال المؤلف هذا التعليق.
Che says:

سؤال بما انى مهتم بالافلام
ايه الفيلم القديم اللى كان نفسك تكونيه ؟

Reem Wageeh says:

رضا
اهلا بيكى يا قمرى
اعتقد ان قصد والدك والله اعلم
ان الذكاء بيتحسب من الرزق ان مثلا ان ربنا اكرمك بزيادة فى الذكاء فى مقابل مثلا حظ اقل ..لأنك تقدرى تحصلى بذكاءك اللى غيرك مايقدرش يحصله بحظه!
واولا واخيرا الارزاق بيد الله :)
واعتذر ان كان البوست مخيب للآمال ..
واعتقد انك ادرى منى ان الكتابة مش سهلة !!!
ومتشكرة لتعليقك يا رودى

Reem Wageeh says:

che
اهلا بيك فى مدونتى اولا
هو مش فيلم محدد بقدر ماهو حب للحالة اللى كانوا فيها!
بس اعتقد صوت الموسيقا يصلح إلى حد ما!
متشكرة بجد لتعليقك واهتمامك
ونورت المدونة بجد :)

الأرمـوطــي says:

السلام عليكم
ايه ده انتى زيي ولا ايه انا يا ما عشت فى افلام ومسلسلات لما حصل مالايحمد عقباه ودلوقتى بحاول اوقف نفسى باستماتة عيشى فى الواقع احسن انا سمعت ان كتر الفرجة على التلفزيون بتصيب باكتئاب
اوعى لنفسك يا صبية
سلام

Reem Wageeh says:

الأرموطى
الواقع له وقته...والخيال له وقته

وربنا يحمينا جميعا
شكرا جزيلا :)

Reem Wageeh says:

الأرموطى
الواقع له وقته...والخيال له وقته

وربنا يحمينا جميعا
شكرا جزيلا :)