يوم التحرش ...انت تتحرش اذن انت موجود

Posted on الاثنين، يونيو 20، 2011 by ريم وجيه


كتبت قبل كده بوست عن التحرش وكان شبه الدراسة اصلا والمفروض كان له جزء تانى ولسه ماتكتبش بما إنى كاتبة كسولة جدا وبايأس بسهولة اصلا !!

بس المرة دى الكلام بعيدا عن الكلام الموضوعى التقليدى اللى هو سمة المدونة بشكل عام

أصل الواحد هيتكلم عن تحرش مين بمين بالظبط ॥تحرش الولاد بالبنات و وجهة نظرهم ان كل البنات ॥نمشيها قلالة الأدب ॥ولو ان الفاظهم اقسى واحقر بكتير !
ولا فى البنات اللى بتعاكس الولاد من باب التسلية॥او من اى باب تانى ما اعرفهوش بصراحة

ولا فى البنات اللى بتعاكس البنات ...ومن باب الحقد بيشدوها من شعرها وبيبهدلوها آخر بهدلة

طيب نتكلم عن نظرة المجتمع للولد اللى مش بيعاكس بنات على إنه ولد مش طبيعى ॥ومشكوك فى أمره

ولا نتكلم على نظرة المجتمع للبنت اللى بيتأخر جوازها ॥او اللى مش بتتجوز ...- اه ماهو ده يعتبر تحرش برده ...من وجهة نظرى على الأقل يعنى!!

طيب نتكلم على جلسات النميمة البناتى اللى بنجيب فيها سيرة بنات و ولاد ॥بكل أنواع الخير والشر...مش بيسلموا سواء بلفظ او تلميح ...وعادة بيكون تلميح وكلام قبيح ॥الصراحة واجبة برده ياجماعة॥ماينفعش اكدب عليكم

طبعا المفروض اتكلم عن حقوق المرأة واننا المفروض نصونها لإنها جوهرة وهى اللى بتربى المجتمع ॥وان ست مش متربية معناها مجتمع قليل الرباية ...

بس يعنى لامؤاخذة اشمعنى المرأة هى اللى هتاخد حقوقها॥اذا كنا كلنا مضروبين بالجزمة...رجالة وستات واطفال وحيوانات ...البحر والنهر والصحرا والمبانى نفسهم ضاربينهم بالجزمة....

المرأة نصف المجتمع...بس لما يبقى المجتمع كله متحرَش بيه ...يبقى لازم المرأة ماتاخدش مكانتها॥طالما الإنسان مش واخد مكانته الطبيعية

ادى للإنسان حقوقه الإنسانية॥وتلقائيا المرأة هتاخد مكانتها كإنسان تدريجيا هتكتسب مميزات مكانتها كأنثى ॥

ثم يعنى البنى آدم مننا آيه غير شوية تحرشات فوق بعض

3 Responses to "يوم التحرش ...انت تتحرش اذن انت موجود":

محبة الرحمن says:

هههههههههههه

معاك حق

لو الحال اتعدل والناس بقت محترمه

محدش هيسىء لحد

قولى يا رب

Reem Wageeh says:

الله يخليكى يارب

وربنا يصلح الحال ويقدرنا نصلح من أنفسنا يارب

يارب

عرفة فاروق عبد لله says:

حلو

بس التحرش بالمرأة خصيصا من جانب الشباب انا شخصيا بعتبره عمل حقير جدا

عموما بضايق من ناحيه احتقار شئ ربنا جعله هو السبب الأول لدوام النوع الإنسانى وهو الجنس وبعتبر صور زى الاغتصاب والتحرش الجنسى والتلصص أنواع من الشذوذ والبهيمية أما الانواع التانية من التحرشات اللى ذكرتيها بعتبر اصحابها مرضى يمكن علاجهم