تفاصيل 1- حضن

Posted on الثلاثاء، سبتمبر 24، 2013 by ريم وجيه



** " انا عايزة اتجوز بس عشان اتحضن "
سلمى - أحلى الأوقات
وردت عليها يسرية إن الحضن هو اللى بيخلى الست تحس إنها ست فعلا .

** حواء اتخلقت من ضلع آدم...يعنى اتخلقت حاضنة قلبه وبيحاوطها لحمه ودمه وايديه .

**الحضن اللى بجد هو إنك مش بس ايديك تضم شخص او ان ضلوعك تمس ضلوعه
الحضن الحقيقى هو إن كل الحواجز النفسية اللى بينك وبين الشخص ده بتسقط ..إن حجرات قلبك نفسها تكون مكشوفة للشخص اللى بتحضنه 
وعشان كده مش اى شخص بيعرف يحضن او يتحضن حضن حقيقى يشبع

**" طفلى العزيز ..أتمنى أن تجد من يحتضك لعشرين دقيقة كاملة متواصلة ..فقط يحتضك..دون أن يحاول تقبيلك..دون أن ينظر لوجهك "
The waitress  على لسان كيرى راسل البطلة
**عند قدر معين من البؤس الحضن يكون مقدمة لعملية ميكانيكية فاقدة للمعنى والإحساس..لا معنى له على الإطلاق
يصبح من الصعب جدا جدا ان تسمح لنفسك ان تُحتضَن ..ان تُخفض كل الحواجز التى بنيت بطول العمر والمعاناة
عندها تصبح أعظم أمنياتك حضن..حضن طويل يدوّب طبقات الهم اللى غلفت القلب من كل اتجاه وتسمح له إنه يتنفس بحرية ويعرف يحس

**يمكنك أن تحتوى آخرا ً ..ليس كما ينبغى فلا عطاء مكتمل بغير أخذ ..الحنان له وجهة مزدوجة وصعب قوى يكون احادى الجهة  وإلا يكون استنزاف

**إن روحك تتحاوط وتحتوى بحنية ..إن قلبك يتطمن ويستكين
إنك ترتاح ببساطة بين ايدين إنسان وعلى دقة قلبه ..
حاجة كده عاملة زى تعشيقة الخشب فى بعضه

**فى ناس طبطبتها حضن
وناس حضنها غربة

** أحلى حضن فى الدنيا هو حضن الاطفال ..لما يجروا عليك ويترموا بين ايديك ويرتاحوا على دقات قلبك

** الدبدوب هو وسيلة لاحتضان ذاتك..دفاه بيتاخد من حرارة جسمك ..و تفاعله من محاوطة ايديك له..وعطره بياخده من حضنك..وصمته الأزلى بيغرى بالحكى الآمن
حنية الإنسان على نفسه مهمة جدا ...خاصة لو ماكنش عنده غيرها


2 Responses to "تفاصيل 1- حضن ":

غير معرف says:

جميلة يا مرمر اوى .. شفافة و حقيقية و توجع .. كل الحياة ممكن تتلخص ف حضن :)

tamima

Reem Wageeh says:

ربنا يخليكى يا عزة يارب ..تسلمى لى <3
وفعلا الحياة كلها ممكن تتلخص فى حضن ^_^
فيه المبتدأ والخبر والمنتهى
وعشان كلامى مايقلبش بكآبة